Sobre AcogES+: é un programa de acollida familiar especializado e con dedicación exclusiva de Aldeas Infantiles SOS.
Qué ē AcogES+?
O programa de acollida AcogES+ é un proxecto que busca casas con familia para nenos, nenas e adolescentes baixo a tutela da Administración que aínda non atoparon esa familia que os acolla cos brazos abertos.
Queremos axudar especialmente a grupos de irmáns ou nenos e nenas con necesidades especiais que viven unha situación vulnerable e que precisan atopar ambientes protectores e afectivamente saudables que os apoien no seu día a día.
Que tipo de familia buscamos?
Buscamos familias apaixonadas pola infancia, comprometidas e dispostas a crear un vínculo seguro.
Se desexas comezar esta conmovedora aventura, o equipo de profesionais de Aldeas estará presente en todo momento ofrecéndoche o apoio e acompañamento necesarios, así como formación en tódalas fases do proceso. Sabemos que, para garantir a atención que precisan estes nenos, nenas e adolescentes, é importante a dispoñibilidade dunha persoa adulta, por esta razón establecerase unha relación contractual entre Aldeas Infantiles SOS e a persoa acolledora..
Cal é a principal misión das familias acolledoras?
Os nenos, nenas e adolescentes están baixo a tutela da Administración e, na actualidade, atópanse vivindo nun centro de protección. En moitos dos casos son irmáns ou nenos e nenas que teñen necesidades especiais como problemas de saúde ou dificultades emocionais. Por iso é importante estar xunto a eles pase o que pase.
Coidar, protexer e permanecer ao seu carón mentres o precisen. Trátase dunha atención especializada e con dedicación exclusiva que perdurará todo o tempo que sexa necesario.
Ti podes darlles unha oportunidade a nenos, nenas e adolescentes
que, por diversas razóns, non poden medrar xunto á súa familia de orixe e precisan dunha familia de acollida que os arroupe nun novo fogar cálido, estable e seguro. Sen dúbida, poderías darlles todo iso que precisan.
Co teu afecto, cariño e dedicación axudaralos a reparar o seu dano e daraslles esa confianza que lles permitirá construír unha identidade positiva.
Algúns detalles máis que debes coñecer
sobre AcogES+
Polo momento, estamos en catro comunidades autónomas: Cantabria, Castela-A Mancha, Galicia e Madrid.. Nelas xa hai moitos nenos, nenas e adolescentes que están agardando atopar as súas familias de acollida.
Se non resides nunha destas catro comunidades, animámoste igualmente a cubrir a túa solicitude, así poderemos avisarte cando AcogES+ chegue á túa comunidade.
En Aldeas Infantiles SOS traballamos sempre en coordinación coa Administración xa que esta se encarga da tutela dos nenos, nenas e adolescentes que acollerán dentro do noso programa. Nós estaremos presentes durante todo o proceso, ofrecéndolles apoio ás familias e facendo de intermediarios para facilitar todo o procedemento entre a Administración e a familia acolledora.. Por outra parte, para o desenvolvemento e o benestar do neno, nena e adolescente é esencial que a familia acolledora teña en conta que debe respectar e aceptar a familia biolóxica, facilitando a reintegración sempre que esta sexa posible.
Ser familia de acollida significa integrar a rapaces ou adolescentes na túa familia e no teu entorno.
Ser familia de acollida significa integrar os rapaces e rapazas no seu novo ambiente. Por iso buscamos familias comprensivas que estean dispostas a ofrecerlles o seu afecto e gran parte do seu tempo aos nenos, nenas e adolescentes que van entrar na súa vida. Persoas que permanezan ao seu carón, ofrecendo coidado e protección mentres estes o precisen.
Ademais, en Aldeas Infantiles SOS consideramos imprescindible que os grupos de irmáns permanezan sempre unidos e poidan medrar xuntos no seu novo fogar.
Cales son os pasos para
ser familia AcogES+?
CUBRE O NOSO FORMULARIO
O paso máis importante xa o deches amosando interese polo programa. Que podes facer agora? Cubrir o noso formulario para que poidamos falar contigo o máis pronto posible.
CHAMÁMOSTE!
Seguro que neste punto aínda tes moitas dúbidas. É normal. Por iso, unha vez recibamos o teu formulario, porémonos en contacto contigo para poder coñecernos mellor convidándote a participar nunha sesión informativa presencial na que resolveremos tódalas dúbidas que che poidan xurdir de xeito sinxelo e transparente.
VALORAMOS A TÚA SITUACIÓN
Por último, iniciaremos un proceso minucioso no que valoraremos diferentes aspectos sobre a túa familia e a túa situación actual, para asegurarnos de que os e as protagonistas desta historia poidan atopar todo o cariño que precisan nun fogar seguro, responsable e emocionalmente saudable.
Fai agora a túa solicitude no programa AcogES+
900 05 51 15